Ora kroso sewulan maneh neng Magetan dilaksanakake pilihan Bupati. Nanging nganti sakiki aku isek bingung milih sing ngendi. Omonge wong pinter, nek milih kudu sing pinter lan cerdas. Pilihen bupati seng bener bener iso ndadekake Magetan maju samubarange. Panguripane rakyat soyo makmur lan ekonomine soyo maju. Nanging piye olehe milih. Calon telu sing ono, siji sijine ae aku gak kenal. Njajal browsing neng mbah google, opo wae sing ditawakkake poro calon kuwi menowo wis dadi bupati Magetan. Nanging sing ditulis mung sakitik banget lan yo ngono kuwi wae. Gak ono penjelasan sing iso maremke ati.
Koyo pengalaman ket biyen biyen, calon pemimpin yen arep pilihan mesti janjine apik apik kabeh. Durung tumon sing janji elek. Nanging yen uwis dadi pemimpin akeh akehe sok lali karo janjine dewe. Gek terus piye iki engko. Gek endi sing kudu tak pilih. Soyo cedak pilihan Bupati kok malah soyo bingung endi sing arep tak pilih.
Ono sing nyaranke yen milih manut partai wae. Iyo kono sing duwe partai. Gek aku iki gak duwe partai blas. Milih anggota dewan wae sering gak pobdo lan gonta ganti partai. Soyo suwe soyo males ae milir pilihan bupati. Arep golput omonge gak apik. Gek piye iki Cah .......
Enake mbesuk nek arep milih takok Mbah Kyai wae. Biasane Mbah Kyai yen arep milih pemimpin kan ngati ngati banget amargo ben ora kliru. Kalah gak popo, sing penting awake wis milih sing miturut ati paling apik. Yen kalah yo wajar. Namanya juga demokrasi.
Ayo konco konco sing iso ngenal poro calon bupati, tulung wehono saran aku. Sing ngendi kiro kiro calon bupati sing panten mimpin Magetan 5 tahun mangarep.
Tak tunggu saran sampean neng kolom komentar yo .....
2 Comments
