Niat ingsun matek aji ajiku
Jopomontro aji pangentitan
Ngentit duite rakyat
Wong mlarat ben tambah sekarat
Sing penting uripku kebak nikmat
Ajiku aji pangentitan
Wetengku wetenge kebo
Gak peduli haram mlebuo kono
Mili nyang getihe anak bojo
Ora nggagas sing penting urip mulyo
Ajiku aji pangentitan
Raiku rai gedek
Luput isen lan wirang
Bendino metu ing tivi
Kebeneran malih dadi terkenal
Ajiku aji pangentitan
Cocotku cocot boyo
Sing leno mesti tak mongso
Kanggo urep enak ing ndonya
Ing akhirat moso bodo o
Sun matek ajiku aji panglimunan
Tamengono awakku soko bebendu
Ancamane soko KPK
Aku wegah mlebu penjara
Sarate opo tak lakonane
Ajiku aji panglimunan
Wus akeh banget sing tak emplok
Duet rakyak akeh tak caplok
Nanging hakim wis tak sogok
Berkas perkara ben ojo di delok
Ajiku aji panglimunan
Yen kabeh di perkarakne
Ayo podo nggeret kancane
Ben mlebu penjara rame rame
Bareng hakim lan pengacarane
8 Comments
